Абу-Даби Тақ мұрагерінің ҚР сапары аясында Ақордада «Самұрық-Қазына» АҚ бірқатар келісімшарттар жасалды

«Самұрық-Қазына» мен AIQ Қазақстанның мұнай-газ саласын цифрлық трансформациялау жөнінде келісімге келді.

Стратегиялық серіктестік аясында «Самұрық-Қазына» АҚ басшысы Нұрлан Жақыпов пен AIQ компаниясының Директорлар кеңесінің төрағасы Сұлтан әл-Джабер Қазақстанның мұнай-газ секторын цифрландыру саласында ынтымақтастық туралы келісімге қол қойды. Құжат жасанды интеллект, активтерді цифрландыру және автономды операциялар саласында үздік тәжірибе мен технологияларды алмасуды көздейді.

Тараптар еліміздің мұнай-газ саласын цифрлық трансформациялау және оның тиімділігін арттыру мүмкіндіктерін бірлесіп іздеуге уағдаласты.

Нұрлан Жақыпов пен «Abu Dhabi Commercial Bank» аға банкирі, ADCB Islamic (Қазақстан) еншілес компаниясының директорлар кеңесінің төрағасы Фарух Абдулрахман әл-Марзуки өзара түсіністік туралы меморандумға қол қойды. Меморандум қор мен ADCB арасындағы мұнай-химия, көлік-логистика және басқа да салалардағы жобаларды қаржыландыру бойынша ынтымақтастықтың негізгі бағыттарын айқындайды.

«Самұрық-Қазына» мен Masdar арасында Қазақстан Республикасында қуаты 500 МВт-қа дейін, тәулік бойы үздіксіз энергиямен қамтамасыз ету жобаларын және қуаты 2000 МВт-қа дейін энергия сақтау жүйесін әзірлеу жөніндегі ынтымақтастық туралы келісімге қол қойылды.

Еншілес компаниялар энергетика, цифрлық және көлік инфрақұрылымын дамытуға бағытталған келісімге қол қойды:

• QazaqGaz бен AIQ компаниясы арасында AIQ технологиялары негізінде цифрлық шешімдерді әзірлеу жөніндегі стратегиялық ынтымақтастық туралы келісім.
• «ҚазМұнайГаз» ҰК» АҚ мен ADP компаниясы арасында екі контейнер кемесін салу және фрахтқа алу жөніндегі өзара түсіністік туралы хаттама.